- 1 -
ئیمام ناصر محمد یەمانی
25 - 04 - 1430 کۆچی
21 - 04 - 2009 زایینی
02:37 بەیانی
[بۆ بەدواداچوونی بەستەری سەرەکی بەشداری بەیانەکە]
https://mahdialumma.online/showthread.php?p=5703
گرێبەستی هاوسەرگیری دووجارەو تەڵاقیش دووجارە وە تەڵاقیش بوونی نیە تەنها بەجیابوونەوە نەبێت، جیابوونەوەش بوونی نیە لەپێش بەسەرچوونی (عیددە) ماوە دیاریکراوەکە .
بەناوی اللە ی لەهەموو میهرەبان و بە بەزەییەکان میهرەبانترو بە بەزەییتر، وە دروودو سڵاو لەسەر نێردراوو پێغەمبەرەکان، سوپاس و ستایشیش بۆ اللە ی پەروەردگاری هەموو جیهان.
اللە ی پایەبەرز فەرموویەتی: {يَا أَيُّهَا النَّبِيُّ إِذَا طَلَّقْتُمُ النِّسَاءَ فَطَلِّقُوهُنَّ لِعِدَّتِهِنَّ وَأَحْصُوا الْعِدَّةَ وَاتَّقُوا اللَّهَ رَ‌بَّكُمْ لَا تُخْرِ‌جُوهُنَّ مِن بُيُوتِهِنَّ وَلَا يَخْرُجْنَ إِلَّا أَن يَأْتِينَ بِفَاحِشَةٍ مُّبَيِّنَةٍ وَتِلْكَ حُدُودُ اللَّهِ وَمَن يَتَعَدَّ حُدُودَ اللَّهِ فَقَدْ ظَلَمَ نَفْسَهُ لَا تَدْرِي لَعَلَّ اللَّهَ يُحْدِثُ بَعْدَ ذَٰلِكَ أَمْرًا (1) فَإِذَا بَلَغْنَ أَجَلَهُنَّ فَأَمْسِكُوهُنَّ بِمَعْرُوفٍ أَوْ فَارِقُوهُنَّ بِمَعْرُوفٍ وَأَشْهِدُوا ذَوَيْ عَدْلٍ مِّنكُمْ وَأَقِيمُوا الشَّهَادَةَ لِلَّهِ ذَٰلِكُمْ يُوعَظُ بِهِ مَن كَانَ يُؤْمِنُ بِاللَّهِ وَالْيَوْمِ الْآخِرِ وَمَن يَتَّقِ اللَّهَ يَجْعَل لَّهُ مَخْرَجًا (2) وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْرًا (3) وَاللَّائِي يَئِسْنَ مِنَ الْمَحِيضِ مِن نِّسَائِكُمْ إِنِ ارْتَبْتُمْ فَعِدَّتُهُنَّ ثَلَاثَةُ أَشْهُرٍ وَاللَّائِي لَمْ يَحِضْنَ وَأُولَاتُ الْأَحْمَالِ أَجَلُهُنَّ أَن يَضَعْنَ حَمْلَهُنَّ وَمَن يَتَّقِ اللَّهَ يَجْعَل لَّهُ مِنْ أَمْرِهِ يُسْرًا (4) ذَٰلِكَ أَمْرُ اللَّهِ أَنزَلَهُ إِلَيْكُمْ وَمَن يَتَّقِ اللَّهَ يُكَفِّرْ عَنْهُ سَيِّئَاتِهِ وَيُعْظِمْ لَهُ أَجْرًا(5)} صدق الله العظيم [الطلاق].
ئێستاش بۆ بەیانە ڕاست و دروستەکە لەکاتێکدا هەمیشە سورم لەسەر ئەوەی هیچ نەڵێم لەسەر اللە تەنها حەق و ڕاست و دروست نەبێت.
ئەی گەلی موسڵمانان بەڕاستی اللە فەرمانی پێکردوون ئەگەر هاتوو ژنەکانتان تەڵاقدا ئەوا شەرع ڕێگا نادات بەجێبەجێکردنی تەڵاقەکە بە جیابوونەوە تەنها لەدوای بەسەرچوونی ماوەی.تەڵاقەکە نەبێت کە بریتیە لە سێ مانگ جگە لەو ژنە تەڵاقدراوانەی دووگیانن و ئەوانەشی اللە هاوسەرەکانیانی مراندووە، جا هێشتا دەبێت ژنە تەڵاقدراوەکە لەگەڵ مێردەکەی بمێنێتەوە هەتا تەنانەت ئەگەر هەزار جاریش تەڵاقی دابێت جا ئەمە هەر پشتی پێ نابەسترێت تەنها بە جیابوونەوە نەبێت، وە جیابوونەوەکەش جێبەجێ نابێت تەنها لەدوای بەسەرچوونی ماوە دیاریکراوەکەی نەبێت کە بریتیە لە سێ مانگ، وە حەڵاڵیشە بۆی بمێنێتەوە لە ماڵی مێردەکەی هەتا کاتی بەسەرچوونی ماوە دیاریکراوەکە بۆ جێبەجێبوونی تەڵاقەکە بەجیابوونەوە؛ بەو مانایەی ئەو هێشتا هاوسەری خۆیەتی هەتا کاتی بەسەرچوونی ماوە دیاریکراوەکە، وە ماوە دیاریکراوەکەشی سێ مانگە بۆ ئەو هاوسەرانەی سوڕی مانگانە دەبینن (واتە دووگیان نین)، جا هێشتا هەر حەڵاڵە بۆی، خۆ ئەگەر هەردوو هاوسەرەکە ڕێککەوتن و پاشەکشەیان کرد لە تەڵاقەکە بەر لە بەسەرچونی ماوەکە ئەوا بە بەهیچ شێوەیەک بەتەڵاق هەژمار ناکرێت مادام ماوە دیاریکراوەکەی تەواو نەبووە کە بریتیە لە؛ سێ مانگ کەوا بریتیە لە (عیددە) ماوەی دیاریکراوی ئافرەتە تەڵاقدراوەکان و چوار مانگ و دە ڕۆژیش بۆ ئەو ئافرەتانەی اللە هاوسەرەکانیانی مراندوون، وە ئەوانەشی دوو گیانن ماوە دیاریکراوەکە (واتە عیددەکەیان) ئەوەیە تاکو سکەکەیان دادەنێن. وە حەڵاڵیشە بۆ ژنە تەڵاقدراوەکان لە ماڵی هاوسەرەکانیان بمێننەوە جا هێشتا بۆیان حەڵاڵن ئەگەر ویستیان ڕێک بکەونەوە بە پاشەکشەکردن لە تەڵاقەکە پاشان باوەش بەیەکتردا بکەن مادام هێشتا کاتی زانراوی تەڵاقەکە کۆتایی نەهاتووە بۆ هەر یەکێکیان.
وە ڕێگاش نادرێت بە ئافرەتەکە لەماڵی هاوسەرەکەی دەربهێنرێت لەپێش کۆتایی هاتنی کاتی دیاریکراوی تەڵاقەکە وە ڕەواش نیە بۆ ئافرەتان دەربچن؛ بەڵکو لەماڵەکەی دەمێنێتەوە هەتا ئەوکاتەی وادەی دیاریکراوو زانراوی تەڵاقەکە کۆتایی پێدێت، جا ئەو هێشتا لە گرێبەستی هاوسەرگیری مێردەکەیەتی هەتا کاتی بەسەرچوونی ماوە دیاریکراوەکە (عیددەکە) وە ڕەواش نیەو ڕێگە نادرێت بەزۆر لە ماڵەکەی دەربهێندرێت بەر لە کۆتایی هاتنی کاتی دیاریکراوی تەڵاقەکە بە جیابوونەوە مەگەر تەنها ئەگەر کارێکی داوێنپیسی ئاشکرای ئەنجام دابێت.
جا لە اللە بترسن ئەی گەلی ستەمکارەکان دەربارەی خوشکەکانی ئیمام مەهدی لە ئایینەکەی اللە ئافرەتە موسڵمانە باوەڕدارەکان؛ جا ستەمیان لێمەکەن بەوەی ناچاریان بکەن یەکسەر دەریان بهێنن لە ماڵی مێردەکانیان لەدوای تەڵاقەکەیان، وە ڕەواش نیە بۆ ئافرەتەکان دەربچن بۆ ماڵی کەس و کارەکانیان لەپێش بەسەرچوونی ماوە دیاریکراوەکە (عیددە) کەیان جا بەم شێوەیە سنورەکانی اللە دەبەزێنن وەئەوەی سنورەکانی اللە دەبەزێنێت ئەوا بەڕاستی ستەمی لە خۆی کردووە، بە پشتڕاستکردنەوەی ئەم فەرموودەیەی اللە ی پایەبەرز: {يَا أَيُّهَا النَّبِيُّ إِذَا طَلَّقْتُمُ النِّسَاءَ فَطَلِّقُوهُنَّ لِعِدَّتِهِنَّ وَأَحْصُوا الْعِدَّةَ وَاتَّقُوا اللَّهَ رَ‌بَّكُمْ لَا تُخْرِ‌جُوهُنَّ مِن بُيُوتِهِنَّ وَلَا يَخْرُجْنَ إِلَّا أَن يَأْتِينَ بِفَاحِشَةٍ مُّبَيِّنَةٍ وَتِلْكَ حُدُودُ اللَّهِ وَمَن يَتَعَدَّ حُدُودَ اللَّهِ فَقَدْ ظَلَمَ نَفْسَهُ لَا تَدْرِي لَعَلَّ اللَّهَ يُحْدِثُ بَعْدَ ذَٰلِكَ أَمْرًا} صدق الله العظيم [الطلاق:1].
وە ئامانجەکەش لە مانەوەیان لە ماڵەکانی خۆیان بۆ ئەوەیە: بەڵکو تووڕە بوونی مێردەکەی نەمێنێت جا پەشیمان بێتەوە لە تەڵاقەکەو پاشەکشە بکات لەپێش هاتنی ماوە دیاریکراوەکەی جا بەڵکو ڕێک بکەونەوەو باوەش بەیەکتردا بکەن جا سۆزو خۆشەویستی و میهرەبانیەکە لەنێوایاندا بگەڕێتەوە بە گەورەتر لەوەی پێشتر، جا ئەمە بریتیە لە حیکمەتەکە لە مانەوەی ئافرەتەکە لەماڵی مێردەکەی جا ڕێگە پێدراو نیە دەربچێت لێی بۆ ماڵی کەس و کارەکەی لەبەرئەوەی ئەوان بەگوناه خۆ بەگەورەزانی دەیانگرێت جا نایگەڕێننەوە بۆلای مێردەکەی هەتا تەنانەت ئەگەر ژن و مێردەکەش لەنێوان یەکتریدا ڕێک بکەون بەگەڕانەوە بۆ لای یەکتری، هەر لەبەرئەوەش اللە فەرمانی پێکردوون وە فەرمانی بە ئافرەتەکانیش کردووە بە مانەوە لە ماڵەکانیان کە بریتیە لە ماڵی مێردەکانیان. بەپشتڕاستکردنەوەی ئەم فەرموودەیەی اللە ی پایەبەرز: {لَا تُخْرِ‌جُوهُنَّ مِن بُيُوتِهِنَّ وَلَا يَخْرُجْنَ إِلَّا أَن يَأْتِينَ بِفَاحِشَةٍ مُّبَيِّنَةٍ وَتِلْكَ حُدُودُ اللَّهِ وَمَن يَتَعَدَّ حُدُودَ اللَّهِ فَقَدْ ظَلَمَ نَفْسَهُ لَا تَدْرِي لَعَلَّ اللَّهَ يُحْدِثُ بَعْدَ ذَٰلِكَ أَمْرًا} صدق الله العظيم [الطلاق:1].
وەلەمەشدا حیکمەتەکە تەواو دەبێت لە مانەوەی ئافرەتەکە کە بریتیە لەوەی بەڵکو اللە فەرمانی ڕوودانی شتێک بکات و بارودۆخێک پێش بهێنێت کە بریتیە لەپاشەکشەکردن لە تەڵاقەکە پاشانیش ڕێککەوتنەوەو باوەش بەیەکتردا کردن بەر لەوەی ماوە دیاریکراوەکە تەواو بێت بۆ جێبەجێبوونی تەڵاقەکە لەدوای بەسەرچوونی ماوە زانراوەکە بەجیابوونەوە، جا ئەگەر بێتو ڕێککەوتنەوەو باوەشیان بەیەکتردا کرد بەر لە بەسەرچوونی ماوە زانراوەکە ئەوا ئەمەیان بە تەڵاقی شەرعی هەژمار ناکرێت بەهیچ شێوەیەک بۆ هەمیشەو هەمیشەو هەمیشە تەنها ئەگەر هاتوو ماوە دیاریکراوەکە (عیددەکە) بەسەر بچێت، جا ئەگەر ماوە دیاریکراوەکە بەسەرچوو کە سێ مانگەو ئەوانیش هێشتا ڕێک نەکەوتبوون هەتا تەنانەت ئەگەر یەک ڕۆژیش بەسەرچوو بوو بەسەر ماوە دیاریکراوەکەدا ئەوا لەم کاتەدا چیتر بۆی حەڵاڵ نیە تەنها بە گرێبەستێکی هاوسەرگیری شەرعی تازە نەبێت لەلایەن ئەو سەرپەرشیارەی گرێبەستی مارەییەکەی بەدەستەوەیە، پاشانیش ئەمە بەیەک تەڵاق هەژمار دەکرێت.
وەهەتا تەنانەت ئەگەر بێتو مێردەکە بە هاوسەرەکەی بڵێت تۆ سێ بە سێ تەڵاق دراویت جا ئەوەیان داهێنراوێکە لە ئایینداو اللە هیچ دەسەڵاتێکی زانستی دەربارە دانەبەزاندووەو لەشەرعدا تەنها بەیەک تەڵاق هەژمار دەکرێت وە لەڕووی شەرعیەوە جێبەجێ ناکرێت تەنها ئەگەر بێتو ماوەی دیاریکراوی تەڵاقەکە بەسەربچێت لەکاتێکدا (پیاوەکە) هێشتا سور بێت، جا لەپاش ئەوە لەڕووی شەرعیەوە بەجیابوونەوە جیبەجێ دەکرێت تەنها کاتێک ماوە زانراوەکە کۆتایی بێتو لەپێش ئەمەشدا ڕێککەوتنەوەو باوەش بەیەکدا کردن ڕوونەدات جا لەکاتی بەسەرچوونی ماوەی دیاریکراوی تەڵاقەکە ڕەوایە ئافرەتەکە دەربهێنرێت لەماڵی مێردەکەی و تەڵاقەکەشی بەسەردا جێبەجێ دەبێت بەجیابوونەوە وە ئەمەش بە یەک تەڵاق دان هەژمار دەکرێت بەتەنها.
وە ئەگەر ماوە دیاریکراوەکە (عیددەکە) بەسەرچوو ئافرەتەکەش دەرچوو بۆ ماڵی کەس و کارەکەی لەدوای ئەمەش مێردەکەی ویستی بیگەڕێنێتەوەو ئافرەتەکەش ویستی بگەڕێتەوە لای مێردەکەی ئەوا ئەوکاتە ڕێگە پێدراو نیە بۆ سەرپەرشتیارەکەی ڕێگری بکات لە گرێبەستی مارە بڕین لەنێوانیان مادام ئافرەتەکە ڕازی بووە بەوەی بگەڕێتەوە بۆ گرێبەستی هاوسەرگیری مێردەکەی یەکەم جا ئەو شایستەترو لەپێشترە بۆی لەکەسانی تری جگە لەخۆی، جا با گرێبەستەکەی لەگەڵدا بکات جا دەگەڕێندرێتەوە بۆ لای. بەپشتڕاستکردنەوەی ئەم فەرموودەیەی اللە ی پایەبەرز: {وَإِذَا طَلَّقْتُمُ النِّسَاءَ فَبَلَغْنَ أَجَلَهُنَّ فَلَا تَعْضُلُوهُنَّ أَن يَنكِحْنَ أَزْوَاجَهُنَّ إِذَا تَرَاضَوْا بَيْنَهُم بِالْمَعْرُوفِ} صدق الله العظيم [البقرة:232].
وە هاوسەرگیریش بوونی نیە تەنها بە گرێبەستێکی شەرعی نەبێت لەلایەن ئەو سەرپەرشتیارەی کەوا گرێبەستی مارەییەکەی بەدەستەوەیە کە بریتیە لە سەرپەرشتیارەکەی، وە ڕێگە پێدراویش نیە مارە بکرێت تەنها بە مۆڵەتی سەرپەرشتیارەکەی نەبێت، وە بۆ سەرپەرشتیارەکەش تەنها دوو جار ڕێگەپێدراوە گرێبەستی هاوسەرگیری ئەنجام بدات هەروەکو چۆن تەڵاق دووجارە بەتەنها جا هاوسەرگیری نیە تەنها بەگرێبەست نەبێت، وە گرێبەستەکەش هەڵناوەشێتەوە تەنها بە بەسەرچوونی ماوە دیاریکراوەکە نەبێت، وە کاتێک ماوە دیاریکراوەکەش بەسەرچوو مێردەکەشی ویستی ئافرەتەکە بگەڕێنێتەوە ئەوا با (سەرپەرشتیارەکەی) گرێبەستێکی تازەی بۆ بکات تاکو بیگەڕێنێتەوە لای مێردەکەی، وە کاتێک تەڵاقی سێیەمی داو ماوەی دیاریکراوی تەڵاقەکەش کۆتایی هات کە سێ مانگە پاشان ئەم ماوەیە تێپەڕی کرد ئەوا لەم کاتەدا ئافرەتەکە لەماڵی ئەو کەسە دەردەهێنرێت کەوا مێردەکەی لێیەتی پاشانیش بۆی حەڵاڵ نیە هەتا ئەوکاتەی مێردێکی تر دەکاتەوە، جا ئەگەر بێتو ئەوانیش خۆی و مێردە تازەکەی جیا بوونەوەو ماوە دیاریکراوەکە (عیددە) کەش بەسەرچوو لەماڵەکەش دەرچوو بۆ ماڵی کەس و کارەکەی جا ئەگەر ئەو کاتە مێردە کۆنەکەی ویستی بیگەڕێنێتەوە ئەوا بۆی حەڵاڵ دەبێتەوە لەدوای ئەوەی مێردێکی تری کردەوە بە جێبەجێکردنی گرێبەستێکی شەرعی لەلایەن سەرپەرشتیارەکەی.
لەوەیە یەکێک لەزانایانی ئوممەت بیەوێت بمچڕێنێت جا بڵێت: "لەسەرخۆ لەسەرخۆ اللە ی پایەبەرز فەرموویەتی: {الطَّلَاقُ مَرَّتَانِ فَإِمْسَاكٌ بِمَعْرُوفٍ أَوْ تَسْرِيحٌ بِإِحْسَانٍ} صدق الله العظيم [البقرة:229].".
جا لەپاش ئەوە ئیمام مەهدی ناصر محمد یەمانی وەڵامی دەداتەوەو بەحەق فەتوا دەدەم و دەڵێم: اللهم بەڵێ گرێبەستی هاوسەرگیری دووجارە هەروەکو چۆن تەڵاقیش دووجارە وەبەر لەوەی بە ووردی وەڵامی پرسیارەکەت بدەمەوە ئەوا بۆ ئیمام مەهدی ناصر محمد یەمانی پرسیارێک هەیە کە وەڵامەکەیم لەلایەن تۆوە لەسەری دەوێت ئەی شێخی بەڕێز جا فەتوام بۆ بدە: ئایا ئەگەر مێردەکەی بۆ جاری سێیەم تەڵاقیدا ئایا ئەم ئافرەتە ماوەی دیاریکراوی هەیە کەوا بیژمێرن و ماوە دیاریکراوەکەش بە سێ مانگ هەژماربکەن یان حەڵاڵە بۆتان بەمێردی بدەن بۆ ئەو کەسەی بتانەوێت بەر لە بەسەرچوونی (عیددە) ماوە دیاریکراوەکە؟ جا وەڵامەکەتان ئاشکرایە و دەڵێن: "اللهم نەخێر هەتا ئەوکاتەی ماوە دیاریکراوەکە بەسەردەچێت بە سێ مانگ بۆ ئافرەتە تەڵاقدراوەکان". جا لەپاشان پرسیارێکی ترم بۆی هەیە: وە ئایا اللە ڕێگای پێداون بەوەی لە ماڵەکانیان دەریان بهێنن بەر لە بەسەرچوونی ماوە دیاریکراوەکە (عیددە) کەیان کە سێ مانگە بۆ ئافرەتە تەڵاقدراوەکان؟ وەڵامەکە: بەڕاستی اللە دەرهێنانی ئەوی حەرام کردووە بەر لە بەسەرچوونی ماوە دیاریکراوەکەی کە بریتیە لە سێ (مانگ)، جا ئەگەر تەڵاقی سێیەمی دا ئەوا لە ماڵی مێردەکەی دەمێنێتەوە هەتا کاتی بەسەرچوونی ماوە دیاریکراوەکەی کە بریتیە لە سێ مانگ، جا ئەگەر هاتوو سێ مانگەکە بەسەرچوو کە بریتیە لە نەوەد ڕۆژ پاشانیش خۆری ڕۆژی کۆتایی ئاوا بوو لە (نەوەد ڕۆژەکە) جا لە ئاسۆدا ون بوو ئەوا لەم کاتەدا جیابوونەوەکە جێبەجێ دەکرێت بە تەڵاقی سێیەم، جا ئەوکاتە بەهیچ شێوەیەک بۆی حەڵاڵ نیە هەتا ئەوکاتەی مێردێکی تر دەکاتەوە لەبەر ئەوەی گرێبەست دوو جارە نەک سێ؛ ئایا نابینن ئێوە ستەمکارن! جا لە اللە بترسن دەربارەی نزیک و کەس و کارو ژنەکانتان ئەی گەلی موسڵمانان بەڵکو سەرفراز بن.
وە ماوەی دیاریکراویش (عیددە) بوونی نیە بۆ ئەوکەسەی هاوسەرگیری کردووەو مێردەکەی نەهاتۆتە لای کێڵگەکەی واتە (جووت نەبووە لەگەڵیدا) و لەم کاتەشدا بیەوێت تەڵاقی بدات لەکاتێکدا دەستی لێی نەداوە بە جوتبوون لەگەڵیدا جا لێرەدا هیچ ماوەیەکی دیاریکراو (عیددە) بوونی نیە بۆ ئافرەتەکە ئەگەر بێتو تەڵاقیدا بەر لەوەی لەگەڵیدا جوت بێت جا با ڕێز لەئافرەتەکە بگرێت و بە چاکی و شێوەیەکی جوان دەستبەرداری بێت. بەپشتڕاستکردنەوەی ئەم فەرموودەیەی اللە ی پایەبەرز: {يَا أَيُّهَا الَّذِينَ آمَنُوا إِذَا نَكَحْتُمُ الْمُؤْمِنَاتِ ثُمَّ طَلَّقْتُمُوهُنَّ مِن قَبْلِ أَن تَمَسُّوهُنَّ فَمَا لَكُمْ عَلَيْهِنَّ مِنْ عِدَّةٍ تَعْتَدُّونَهَا فَمَتِّعُوهُنَّ وَسَرِّحُوهُنَّ سَرَاحًا جَمِيلًا} صدق الله العظيم [الأحزاب:49].
جا ئەوکاتە نیوەی ئەو مارەییەی پێدەدات کەوا لەسەری ڕێک کەوتوون. بەپشتڕاستکردنەوەی ئەم فەرموودەیەی اللە ی پایەبەرز: {وَإِن طَلَّقْتُمُوهُنَّ مِن قَبْلِ أَن تَمَسُّوهُنَّ وَقَدْ فَرَضْتُمْ لَهُنَّ فَرِيضَةً فَنِصْفُ مَا فَرَضْتُمْ إِلَّا أَن يَعْفُونَ أَوْ يَعْفُوَ الَّذِي بِيَدِهِ عُقْدَةُ النِّكَاحِ وَأَن تَعْفُوا أَقْرَبُ لِلتَّقْوَىٰ} صدق الله العظيم [البقرة:237].
وە اللە ش فێری کردوون بەوەی لێبووردن نزیکترە لە پارێزکاری و لە اللە ترسان مادام هیچ چێژی لێی نەبینیوەو بۆ ئافرەتەکەش لەدوای ئەمە حەڵاڵە هاوسەرگیری بکات ئەگەر تەنانەت ڕاستەوخۆ لەدوای دەرچوونەکەشی بێت لە ماڵی مێردەکەی ئەوا ڕێگە پێدراوو حەڵاڵە بۆ سەرپەرشتیارەکەی گرێبەستێکی تری بۆ بکات لەگەڵ پیاوێکی تر ئەگەر بۆی هاتە پێش و ویستی بیخوازێت ئەمەش بەڕەچاوکردنی نەبوونی حوکمی ماوە دیاریکراوەکە (عیددە) کە.
وە ئەی ئوممەتی ئیسلام من دەتانکەم بەشاهێد بەسەر سەرجەم زانایانی ئوممەت ئەوەی هەر بەرهەڵستیەکی هەبێت لە دەستوری هاوسەرگیری کردن و تەڵاق لە شەرعی ئەو ئیمام مەهدیەی کەوا بریتیە لەخودی شەرعەکەی محمد پێغەمبەری اللە -دروودو سڵاوی اللە لەسەرخۆی و کەس و کارەکەی- ئەوا ڕەوا نیە بۆیان بێدەنگ بن جا با حوکم بکەین بۆ لای کتێبەکەی اللە، وە ئەگەر بەسەریاندا زاڵ نەبم بەشەرعی حەقی لای پەروەردگارەکەیان لە مەحکەمی کتێبەکەی هەتا ئەوکاتەی لە ناخیاندا هیچ سەغڵەتی و بەرهەڵستیەک نابیننەوە لەوەی بڕیارم لەسەرداوە لەنێوانیان بەحەق و بەتەواوی تەسلیمی دەبن یان ئەوەتا کوفر دەکەن بە حوکمەکانی اللە دەربارەی هاوسەرگیری و تەڵاق لە قورئانی گەورە، وەئەگەر بێتو ئامادەش بن و بە مەحکەمی کتێبەکەی اللە بیسەلمێنن بەوەی شەرعەکەی ناصر محمد یەمانی دژو پێچەوانەیە لەگەڵ ئەوەی اللە دایبەزااندووە ئەوا لەم کاتەدا ڕەوانیە بۆ پشتیوانەکانم بەردەوام بن لە شوێنکەوتنم مادام من دەربارەی تەڵاق حوکمم کردبێت بە چەند حوکمێکی دژو پێچەوانە لەگەڵ حوکمە شەرعیەکانی اللە لە کتێبەکەی. هەرچی ئەوەیە ئەگەر بێتو حوکمە حەقەکانی اللە م سەلماند لە مەحکەمی کتێبەکەی اللە پاشانیش ئەوان دانیان بەحەقی لای پەروەردگارەکەیاندا نەناو بەردەوام بوون لە ستەمکردن لە ژنان جا ئەگەر ئەوان لە ئەهلی تەوڕات بوون یان ئینجیل یان قورئان ئەوا ووریایان دەکەمەمەوە بە سزایەکی توندو تیژ لەلایەن اللە وە. بەپشتڕاستکردنەوەی ئەم فەرموودەیەی اللە ی پایەبەرز: {وَمَن لَّمْ يَحْكُم بِمَا أَنزَلَ اللَّهُ فَأُولَٰئِكَ هُمُ الْفَاسِقُونَ} صدق الله العظيم [المائدة:47].
{وَمَن لَّمْ يَحْكُم بِمَا أَنزَلَ اللَّهُ فَأُولَٰئِكَ هُمُ الْكَافِرُونَ} صدق الله العظيم [المائدة:44].
{وَمَن لَّمْ يَحْكُم بِمَا أَنزَلَ اللَّهُ فَأُولَٰئِكَ هُمُ الظَّالِمُونَ} صدق الله العظيم [المائدة:45].
وە دروودو سڵاو لەسەر نێردراوو پێغەمبەرەکان، سوپاس و ستایشیش بۆ اللە ی پەروەردگاری هەموو جیهان.
ئیمام مەهدی ناصر محمد یەمانی.